Feeds:
Innlegg
Kommentarar

Archive for desember 3rd, 2010

Deigdagen

Det som er så praktisk med heimekontor er at du får gjort ting i lunsjen som du vanlegvis aldri ville gjort i lunsjen. I dag, for eksempel, brukte eg lunsjen til å lage deig. Kvit deig til kvite kakemenn og brun deig til pepperkaker. Slik kakedeig skal jo ligge å godgjere seg i kjøleskapet i lange tider, difor er ein nøydd til å vere framtidsretta når ein planlegg kakebaking. Eg har lova småjentene at laurdag blir det kakebakedag, dermed må fredagens heimekontorlunsjpause nyttast effektivt. Det går fint an å drikke kaffe og ete brødskive med leverpostei samtidig som ein smeltar smør og hiv oppi «en teskje sukker og til slutt ett kilo pepper» eller korleis det var igjen. No ligg deigane i kjøleskapet og eg kjenner at eg svettar litt med tanken på bakeøkta som ventar i morgon.

Bildet er lånt fra tine.no som har mange flotte bilder og gode oppskrifter

I kveld blir det julebord på instituttet. Hu og hei:-)

Read Full Post »